புத்த கயாவிலிருந்து புறப்பட்டு விசாகப்பட்டினம் துறைமுகம் வந்து அங்கிருந்து கப்பலில் இலங்கைக்கு சங்கமித்தையின் குழுவினர் வந்தனர் என செய்திகள் கூறுகின்றன. ஆனால் இச்செய்தி சொல்லும் வகையில் இவ்வழிப்பாதை சரியானதுதானா என்பதும் கேள்வியாகின்றது.
அசோகர் இந்திரப்பிரஸ்தம் என அன்று அழைக்கப்பட்ட தற்போதைய டெல்லியிலிருந்து தமிழகத்தின் வேலூர் வரை ராஜபாட்டை என அழைக்கப்படும் ஒரு அரச நெடுஞ்சாலையை அமைத்தார். இச்சாலையின் இருபுறமும் மரங்களை நட்டார். பயணிகள் ஓய்வெடுக்கும் சத்திரங்களைக் கட்டினார். இறுதியாக தமிழகத்தின் வேலூரில் வினையலங்கார விகார் என்ற பெயரில் ஒரு மடாலயத்தையும் அமைத்தார் என அறிகின்றோம். அனேகமாக இந்த ராஜபாட்டை வழியாக மகேந்திரனும் சங்கமித்தையும் தமிழகம் வந்து பின்னர் கடற்கரையோரப் பகுதிகளை வந்தடைந்து இலங்கைக்குப் பயணம் மேற்கொண்டிருக்கலாம். இதற்கும் வாய்ப்புக்கள் உள்ளன.
இன்றைய இலங்கை அரசியல் சூழலில் சங்கமித்தை வந்திறங்கிய பகுதி என அடையாளம் காட்டப்படும் மாதகல் சம்பில்துறை சிங்களவர்கள் பகுதியாக அடையாளம் காட்டப்படுவதற்கான முயற்சிகள் தெரிகின்றன. இந்தச் சம்பில் துறை பகுதியில் ஐயனார் கோயில், கிருத்துவ தேவாலயம் மற்றும் வரைவர் கோயில்கள், சிவன் கோயில், முருகன் கோயில், பிள்ளையார் கோயில் ஆகிய வழிபாட்டுத் தலங்கள் சிலவும் உள்ளன.
பௌத்த மதம் சிங்களவருக்கும், ஏனைய சைவ கிருத்துவ மத வழிபாடுகள் தமிழருக்கும் என இருக்கும் இன்றைய சமூக சிந்தனை நிலைப் போக்கு இன்றைக்கு இரண்டாயிரம் ஆண்டுகளுக்கு முற்பட்ட காலகட்ட சூழலுக்குப் புறம்பானதே. பண்டைய இலங்கையில் பௌத்தம் தமிழ் மக்களின் வாழ்க்கை நெறியாக நீண்ட காலம் ஏற்றுக் கொள்ளப்பட்டிருந்த ஒரு சூழல் இருந்ததைப் புறந்தள்ளி விட முடியாது. ஆக, யாழ்ப்பாணத்தின் மாதகல் சம்பில்துறை பகுதி தமிழ்மக்கள் வாழ்விடப் பகுதி என்பதில் ஐயத்திற்கு இடமில்லை.
இன்று இப்பகுதி, பௌத்தமதம் சிங்களவருக்கான மதம் என்ற தட்டையான புரிதல், சிங்களவர், தமிழர் இருசாராருக்கும் உள்ளமையால், இரு சாராரும் குழப்பம் நீங்கி இப்பகுதியின் வரலாற்றில் தமிழ் மக்களுக்கு உள்ள முக்கியத்தையும் காண வேண்டியது வரலாற்றுத் தேவையாகின்றது. மதத்தை மையப்படுத்திய தவறான புரிதல் இருப்பதால் இப்பகுதி சிங்களவர் பகுதி என அடையாளப்படுத்தப்படும் முயற்சி இன்று தீவிரப்படுத்தப்பட்டு வருகின்றது. இதற்குச் சாட்சியாக இப்பகுதியில் இராணுவத்தினர் அதிகமாக நடமாடுவதையும் இப்பதிவுக்காகச் சென்றிருந்தபோது (அக்டோபர் 2018 இறுதி) நேரில் காண நேர்ந்தது.
வரலாற்றுப் பார்வையில் யாழ்ப்பாணத்தின் மாதகல் -சம்பில்துறை பகுதி தமிழர் வரலாற்றுச் சுவடுகளில் இடம்பெற வேண்டிய ஒரு பகுதியே!
தொடர்பு: முனைவர் க.சுபாஷிணி (ksubashini@gmail.com) mymintamil.blogspot.com
Thamayanthi Simon
9 ஜூன், 2019 · மாதகல்/ சம்புத்துறை
------------------------------------
"தம்பகொலபடுன" என்று இப்போ சொல்லப் படும் "சம்புத்துறை" (மாதகல்)
இந்தக் குடாக்கரையில்தான் சங்கமித்தை இப்படியொரு கலத்தில் வந்து இறங்கினாராம்.
அந்தக் கலத்தின் மாதிரி வடிவம்தான் படத்தில் இருப்பது.
பக்கத்தில் பிரமாண்டமான விகாரையும், கடற்படைக் காவலும்.
"கரையோரக் கண்காணிப்பு" என்ற பெயரால் வடக்குக் கடற்கரைப் பிரதேசங்கள் ஆக்கிரமிக்கப் பட்டுள்ளன என்பது ஒரு வகையெனில், சமய வரலாற்றுப் பிரதேசங்கள் என்ற பெயரால் வடகரைகளும், தீவக, குறிப்பாக நயினாதீவு, குறிகாட்டுவான், கண்ணகை கடற்கரை போன்ற கரைகளும் ஆக்கிரமிக்கப் பட்டு காவலரண்களுக்குள் வைக்கப் பட்டுள்ளன. நகரத்தாருக்கு கவலைப்பட இதில் என்ன இருக்கிறது. நெருக்கடிகளும், வாழ்விழப்புக்களும், வலிகளும், துயரமும் கரையோர மக்களுக்குத்தானே இல்லையா? (இப்படித்தானே கேட்கத் தோன்றுகிறது வேறென்ன?)
இந்தப் படங்கள் ஏற்கனவே 3வருடங்களுக்கு முன்னும் பதிவிட்டிருந்தேன். மீண்டும் இத் தகவலைச் சொல்ல வேண்டும்போல் இருந்தது.
Charal Tamizhi 29 நவம்பர், 04:30 ·
இலங்கைக்கு பௌத்த மதம் கொண்டுவரப் பட்டமையும் அதற்காக அசோகனின் மகள் சங்கமித்ர வெள்ளரசு மரக் கிளையுடன் வந்திறங்கிய இடமே ஜம்புகோள பட்டினமாகும்.இதனுடனேயே இலங்கையில் பௌத்த மத வரலாறு ஆரம்பமாகின்றது.அதனை இன்றும் நீங்கள் மாதகல் செல்லும் போது அவதானிக்கலாம்.
